वर्ग प्रेस विज्ञप्ति – रामचन्द्र

विज्ञप्ति सम्माननीय राष्ट्रपति  श्री रामचन्द्र पौडेलज्यू समक्ष नेपालका लागि इजरायलका राजदूत H.E. Mr. Hanan Goder Goldberger ले शिष्टाचार भेट गर्नुभयो। सो अवसरमा सम्माननीय राष्ट्रपतिज्यूले इजरायल सरकारले नेपाललाई विभिन्न विषयमा छात्रवृत्ति, रोजगारी एवम् कृषि तथा सहकारी क्षेत्रमा सहयोग प्रदान गरेकोमा खुशी व्यक्त गर्दै दुई देशबीचको सम्बन्ध र आपसी सहयोग तथा सहकार्य निरन्तर अघि बढ्ने कुरामा विश्‍वस्त रहेको कुरा बताउनु भयो । २०८० साल भदौ २६ गते मङ्गलबार। (शैलजा रेग्मी भट्टराई) प्रवक्ता

विज्ञप्ति सम्माननीय राष्‍ट्रपति श्री रामचन्द्र पौडेलज्यू समक्ष नेपालका लागि तपसिल बमोजिमका नवनियुक्त राजदूतहरूले राष्‍ट्रपति भवनमा आयोजित छुट्टाछुट्टै विशेष समारोहमा आ-आफ्नो ओहोदाको प्रमाणपत्र पेश गर्नुभयो। उक्त समारोहमा नेपाल सरकारका  उच्च पदस्थ अधिकारीहरू समेतको उपस्थिति रहेको थियो। नवनियुक्त राजदूतहरूलाई काठमाडौंस्थित होटल रेडिशनदेखि राष्ट्रपति भवनसम्म रिसल्ला सहितको बग्गीमा सवार गराइएको थियो। तपसिल क्र.सं. मुलुक राजदूत आवासीय/ गैरआवासीय १. कतार H.E. Mr. Mishal Mohammed Ali Alansari आवासीय २. गणतन्त्र पेरु H.E. Mr. Javier Manuel Paulinich Velarde गैरआवासीय ३. कम्बोडिया H.E. Mr. Koy Kuong गैरआवासीय २०८० साल भदौ १८ गते सोमबार । (शैलजा रेग्मी भट्टराई) प्रवक्ता   H.E. Mr. Mishal Mohammed Ali Alansari, Ambassador of Read More …

विज्ञप्ति सम्माननीय राष्ट्रपति  श्री रामचन्द्र पौडेलज्यू समक्ष संयुक्त राज्य अमेरिकाका संसदीय प्रतिनिधिमण्डलले शिष्टाचार भेट गर्नुभयो। सो अवसरमा नेपाल र संयुक्त राज्य अमेरिकाबीच रहिआएको द्विपक्षीय सम्बन्ध, आपसी हित र चासोका विषयमा कुराकानी भयो । २०८० साल भदौ १४ गते बिहीबार। (शैलजा रेग्मी भट्टराई) प्रवक्ता    

विज्ञप्ति सम्माननीय राष्ट्रपति श्री रामचन्द्र पौडेलज्यू समक्ष संयुक्त राष्ट्रसंघका लागि नेपालको स्थायी नियोग, न्युयोर्कका लागि नेपालको नवनियुक्त राजदूत/स्थायी प्रतिनिधि श्री लोक बहादुर थापाले राष्ट्रपतिको कार्यालय, महाराजगञ्‍जमा आयोजित एक समारोहका बीच राजदूत पदको, पद तथा गोपनीयताको शपथ ग्रहण गर्नुभयो । उक्त अवसरमा माननीय परराष्ट्र मन्त्री श्री नारायण प्रकाश साउद लगायत नेपाल सरकारका उच्च पदस्थ अधिकारीहरूको समेत उपस्थिति रहेको थियो । २०८० साल भदौ १३ गते बुधबार । (शैलजा रेग्मी भट्टराई) प्रवक्ता  

विज्ञप्ति सम्माननीय राष्ट्रपति  श्री रामचन्द्र पौडेलज्यू समक्ष सार्कका महासचिव H.E. Esala Ruwan Weerakoon ले शिष्टाचार विदाई भेट गर्नुभयो। सो अवसरमा सम्माननीय राष्ट्रपतिज्यूले सार्कको उद्देश्य प्राप्तिका लागि सम्पूर्ण सदस्य राष्ट्रहरूबीच आपसी सहकार्य र समझदारीबाट उपयुक्त वातावरण निर्माण गर्न आवश्यक रहेको कुरा बताउनुभयो। २०८० साल भदौ १३ गते बुधबार। (शैलजा रेग्मी भट्टराई) प्रवक्ता  

विज्ञप्ति सम्माननीय राष्ट्रपति  श्री रामचन्द्र पौडेलज्यू समक्ष जापानको संसदको माथिल्लो सदनका माननीय सदस्यहरू साथै नेपाल-जापान संसदीय मैत्री समूहका सदस्यहरूसमेत रहनु भएका माननीय H.E. Mr. KOBAYASHI Kazuhiro र H.E. Mr. NAGAI Manbu बाट शिष्टाचार भेट भयो। सो अवसरमा सम्माननीय राष्ट्रपतिज्यूले नेपाल र जापान बीच अति घनिष्ट एवम् मैत्रीपूर्ण सम्बन्ध रहेको विषयमा जोड दिँदै नेपालको लोकतन्त्र र प्रजातन्त्रको विकास र सुदृढीकरणमा जापान सरकारले निरन्तर पुर्‍याउँदै आएको सहयोगका लागि धन्यवाद समेत व्यक्त गर्नुभयो। २०८० साल भदौ ७ गते बिहीबार। (शैलजा रेग्मी भट्टराई) प्रवक्ता