वर्ग प्रेस विज्ञप्ति – रामचन्द्र

विज्ञप्ति सम्माननीय राष्ट्रपति  श्री रामचन्द्र पौडेलज्यू समक्ष नेपालका लागि संयुक्त राष्ट्रसंघका Resident Coordinator Ms. Hanna Singer-Hamdy ले शिष्टाचार भेट गर्नुभयो। सो अवसरमा सम्माननीय राष्ट्रपतिज्यूले नेपालको विकास र संमृद्धि एवम् दीगो विकास लक्ष्य हासिल गर्ने क्रममा संयुक्त राष्ट्रसंघले गरेको सहयोगका लागि धन्यवाद व्यक्त गर्नुभयो। २०८० साल भदौ ६ गते बुधबार। (शैलजा रेग्मी भट्टराई) प्रवक्ता

विज्ञप्‍ति सम्माननीय राष्ट्रपति श्री रामचन्द्र पौडेलज्यू समक्ष नवनियुक्त सम्माननीय प्रधान न्यायाधीश श्री विश्‍वम्भरप्रसाद श्रेष्ठज्यूले राष्ट्रपतिको कार्यालयमा आयोजित एक विशेष समारोहमा सर्वोच्च अदालत ऐन, २०४८ को दफा ८ बमोजिम आफ्नो पदको पद तथा गोपनीयताको शपथ ग्रहण गर्नुभएको छ। २०८० साल भदौ ५ गते मङ्‌गलबार। (शैलजा रेग्मी भट्टराई) प्रवक्ता  

विज्ञप्ति सम्माननीय राष्ट्रपति श्री रामचन्द्र पौडेलज्यूले आज राष्ट्रपति भवनमा संसदमा प्रतिनिधित्व गर्ने राजनीतिक दलका नेताहरूसँग भेटघाट गर्नुभयो। सो अवसरमा सम्माननीय प्रधानमन्त्रीज्यू, माननीय उपप्रधानमन्त्रीज्यूहरू, पूर्व प्रधानमन्त्रीज्यूहरू लगायत विभिन्न राजनीतिक दलका अध्यक्षज्यूहरू एवं वरिष्ठ नेताहरूको उपस्थिति रहेको थियो। २०८० साल भदौ ५ गते मङ्गलबार । (शैलजा रेग्मी भट्टराई) प्रवक्ता

विज्ञप्ति सम्माननीय राष्‍ट्रपति श्री रामचन्द्र पौडेलज्यू समक्ष नेपालका लागि तपसिल बमोजिमका नवनियुक्त राजदूतहरूले राष्‍ट्रपति भवनमा आयोजित छुट्टाछुट्टै विशेष समारोहमा आ-आफ्नो ओहोदाको प्रमाणपत्र पेश गर्नुभयो। उक्त समारोहमा माननीय परराष्ट्रमन्त्री श्री नारायण प्रकाश साउदज्यू लगायत नेपाल सरकारका  उच्च पदस्थ अधिकारीहरू समेतको उपस्थिति रहेको थियो। नवनियुक्त राजदूतहरूलाई काठमाडौंस्थित होटल रेडिशनदेखि राष्ट्रपति भवनसम्म रिसल्ला सहितको बग्गीमा सवार गराइएको थियो। तपसिल क्र.सं. मुलुक राजदूत आवासीय/ गैरआवासीय १. संयुक्त अधिराज्य H.E. Mr. Robert Dominic Russel Fenn आवासीय २. समाजवादी गणतन्त्र भियतनाम H.E. Mr. Nguyen Thanh Hai गैरआवासीय २०८० साल साउन ३२ गते बिहीबार । (शैलजा रेग्मी भट्टराई) प्रवक्ता H.E. Mr. Robert Dominic Russel Fenn, Ambassador of Read More …

विज्ञप्ति सम्माननीय राष्ट्रपति श्री रामचन्द्र पौडेलज्यूले संवत् २०७९ साल पुस ११ गते गठित मौजुदा मन्त्रिपरिषद्‌मा नेपालको संविधानको धारा ७६ को उपधारा (९) बमोजिम प्रधानमन्त्रीको सिफारिसमा देहाय बमोजिमको नियुक्ति गरी कार्यभार तोक्नु भएको छ । क्र.सं. नाम, थर पद कार्यभार १. श्री अनिता देवी मन्त्री सङ्घीय मामिला तथा सामान्य प्रशासन आजै राष्ट्रपति भवनमा आयोजित विशेष समारोहमा सम्माननीय राष्ट्रपति श्री रामचन्द्र पौडेलज्यू समक्ष नवनियुक्त माननीय मन्त्री श्री अनिता देवीज्यूले नेपालको संविधानको धारा ८० बमोजिम मन्त्री पदको पद तथा गोपनीयताको शपथ लिनु भयो । २०८० साल साउन २९ गते सोमबार । (शैलजा रेग्मी भट्टराई) प्रवक्ता

विज्ञप्ति सम्माननीय राष्ट्रपति  श्री रामचन्द्र पौडेलज्यू समक्ष नेपालका लागि साउदी अरेबियाका राजदूत H.E. Mr. Saad Abuhaimed ले शिष्टाचार भेट गर्नुभयो। सो अवसरमा दुई देश बीच रही आएको सम्बन्ध, आपसी हित र चासोका बिषयमा कुराकानी भयो। साथै, सम्माननीय राष्ट्रपतिज्यूले साउदी सरकारले नेपालको विभिन्न क्षेत्रको विकासका लागि पुर्‍याएको सहयोगका लागि धन्यवाद व्यक्त गर्दै नेपाल र साउदी अरब बीच सहकार्य गर्नका लागि पर्यटन एक महत्त्वपूर्ण सम्भावित क्षेत्र रहेको कुरा बताउनु भयो। २०८० साल साउन २५ गते बिहीबार। (शैलजा रेग्मी भट्टराई) प्रवक्ता

विज्ञप्ति सम्माननीय राष्ट्रपति  श्री रामचन्द्र पौडेलज्यू समक्ष नेपालका लागि युरोपियन युनियनका राजदूत H.E. Ms. Nona Deprez ले शिष्टाचार विदाई भेट गर्नुभयो । सो अवसरमा युरोपियन युनियन र नेपालबीच रहि आएको सम्बन्ध, आपसी हित र चासोका बिषयमा कुराकानी भयो । साथै, सम्माननीय राष्ट्रपतिज्यूले युरोपियन युनियनले नेपालको विकास साझेदारको रूपमा पुर्‍याएको योगदान र वातावरण मैत्री, समावेशी र समतामूलक विकासका लागि गरेको सहयोगका लागि धन्यवाद समेत दिनुभयो । २०८० साल साउन २३ गते मङ्‌गलबार । (शैलजा रेग्मी भट्टराई) प्रवक्ता

विज्ञप्ति सम्माननीय राष्ट्रपति  श्री रामचन्द्र पौडेलज्यू समक्ष नेपालका लागि इजिप्टका राजदूत  H.E. Ms. Noha Hamdy Ahmed ElGebaly ले राष्ट्रपति भवनमा शिष्टाचार भेट गर्नुभयो । उक्त अवसरमा दुई देशबीच रही आएको सम्बन्ध, आपसी हित र चासोका बिषयमा छलफल भयो । साथै, सम्माननीय राष्ट्रपतिज्यूले गत वर्ष सन् २०२२ मा संयुक्त राष्ट्रसंघीय जलवायु सम्मेलन (COP 27) सफलतापूर्वक सम्पन्न गरेकोमा इजिप्ट सरकारलाई बधाई समेत दिनुभयो । २०८० साल साउन २२ गते सोमबार (शैलजा रेग्मी भट्टराई) प्रवक्ता