आज मिति २०७६ साल कात्तिक १8 गते, सोमबारका दिन सम्माननीय राष्ट्रपति श्रीमती विद्यादेवी भण्डारीज्यूसमक्ष राष्ट्रिय प्राकृतिक स्रोत तथा वित्त आयोगका माननीय अध्यक्ष श्री बालानन्द पौडेलज्यूले राष्ट्रपति भवन, शीतलनिवासमा आयोजित एक समारोहमा राष्ट्रिय प्राकृतिक स्रोत तथा वित्त आयोगको आर्थिक वर्ष २०७५/०७६ को वार्षिक प्रतिवेदन नेपालको संविधानको धारा २९४ बमोजिम पेश गर्नु भयो । (हरि प्रसाद दाहाल) प्रवक्ता
आज मिति २०७६ साल कात्तिक १८ गते, सोमबारका दिन सम्माननीय राष्ट्रपति श्रीमती विद्यादेवी भण्डारीज्यूसमक्ष हाल नेपालको भ्रमणमा रहनु भएका आइभोरीकोष्टका महामहिम उपराष्ट्रपति श्री Daniel Kablan Duncan ले राष्ट्रपति भवन, शीतलनिवासमा शिष्टाचार भेट गर्नुभयो । भेटका अवसरमा नेपाल तथा आइभोरीकोष्टबीच आपसी हित तथा चासोका विषयमा छलफल भयो । (हरि प्रसाद दहाल) प्रवक्ता
आज मिति २०७६ साल कात्तिक १८ गते, सोमबारका दिन सम्माननीय राष्ट्रपति श्रीमती विद्यादेवी भण्डारीज्यूसमक्ष भाषा आयोगका माननीय अध्यक्ष डा. लवदेव अवस्थीज्यूले राष्ट्रपति भवन, शीतलनिवासमा आयोजित एक समारोहमा भाषा आयोग ऐन, २०७४ बमोजिम भाषा आयोगको आर्थिक वर्ष २०७५/०७६ को वार्षिक प्रतिवेदन पेश गर्नु भयो । उक्त समारोहमा माननीय संस्कृति पर्यटन तथा नागरिक उड्डयन राज्यमन्त्री श्री धनबहादुर बुढाज्यू लगायत उच्च सरकारी पदाधिकारीहरुको समेत उपस्थिति रहेको थियो । (हरि प्रसाद दाहाल) प्रवक्ता
आज मिति २०७६ साल कात्तिक १७ गते आइतबारका दिन सम्माननीय राष्ट्रपति श्रीमती विद्यादेवी भण्डारीज्यूबाट नेपाल सरकार, मन्त्रिपरिषद्को मिति २०७६/७/१७ को निर्णयबाट सिफारिस भई आएअनुसार नेपालको संविधानको धारा १६५ को उपधारा (१) को खण्ड (ख) बमोजिम देहायका प्रदेश प्रमुखहरूलाई पदमुक्त गर्नुभएको छ । क्र.सं. नामथर प्रदेश १ प्रा.डा. गोविन्द बहादुर तुम्बाहाङ, धनकुटा १ २ श्री रत्नेश्वर लाल (कायस्थ), काठमाडौं २ ३ श्री अनुराधा कोइराला, काठमाडौं ३ ४ श्री बाबुराम कुवंर, अर्घाखाँची गण्डकी प्रदेश ५ श्री उमाकान्त झा, धनुषा ५ ६ श्री दुर्गा केशर खनाल, सुर्खेत कर्णाली प्रदेश ७ श्री मोहनराज मल्ल, कैलाली सुदुर पश्चिम प्रदेश (हरि प्रसाद दाहाल) Read More …
आज मिति २०७६ साल कार्तिक ८ गते शुक्रबारका दिन सम्माननीय राष्ट्रपति श्रीमती विद्यादेवी भण्डारीज्यूले संघीय संसदको दुवै सदनको बैठकबाट पारित भई प्रमाणीकरणको लागि पेश हुन आएको तपसिल बमोजिमको विधेयक नेपालको संविधानको धारा ११३ को उपधारा (२) बमोजिम प्रमाणीकरण गर्नुभएको छ । क्र.सं. विधेयकको नाम १ विज्ञापन नियमन गर्ने सम्बन्धमा व्यवस्था गर्न बनेको विधेयक (हरि प्रसाद दहाल) प्रवक्ता प्रवक्ता
सम्माननीय राष्ट्रपति श्रीमती विद्यादेवी भण्डारीज्यूबाट सम्माननीय प्रधानमन्त्री श्री के. पी. शर्मा ओलीज्यू असंलग्न आन्दोलनका सदस्य राष्ट्रहरुको १८औं शिखर सम्मेलनमा सहभागी हुन नेपाली प्रतिनिधिमण्डलको नेतृत्व गर्दै सम्वत् २०७६ साल कात्तिक ७ गते बिहीबार अजरबैजानको बाकुतर्फ प्रस्थान गर्नु हुने भएकोले प्रधानमन्त्रीको अनुपस्थितिमा प्रधानमन्त्रीले गर्ने दैनिक प्रशासनिक कार्य नेपालको संविधान बमोजिम प्रधानमन्त्रीको सिफारिसमा माननीय उपप्रधानमन्त्री एवं रक्षा मन्त्री श्री ईश्वर पोखरेलज्यूले सम्हाल्ने गरी तोक्नु भएको छ । (हरि प्रसाद दहाल) प्रवक्ता २०७६ साल कात्तिक ७ गते बिहीबार
सम्माननीय राष्ट्रपति श्रीमती विद्यादेवी भण्डारीज्यू मित्रराष्ट्र म्यानमारका महामहिम राष्ट्रपतिको मैत्रीपूर्ण निमन्त्रणामा २०७६ साल असोज २९ गते बुधबारका दिन राजकीय भ्रमणको सिलसिलामा मित्रराष्ट्र म्यानमारतर्फ प्रस्थान गर्नु भई सो भ्रमण पूरा गरी जापानी सम्राट नोरुहितोको राज्याभिषेक तथा गद्दी आरोहण विशेष समारोहमा सहभागी हुनुभई आज मिति २०७६ साल कात्तिक ६ गते बुधबार स्वदेश फर्कनु भयो । (हरि प्रसाद दहाल) प्रवक्ता २०७६ साल कात्तिक ६ गते बुधबार
सम्माननीय राष्ट्रपति श्रीमती विद्यादेवी भण्डारीज्यू मित्रराष्ट्र म्यानमारका महामहिम राष्ट्रपतिको मैत्रीपूर्ण निमन्त्रणामा म्यान्मारको राजकीय भ्रमणको शिलशिलामा सम्वत् २०७६ साल असोज २९ गते बुधबारका दिन म्यान्मारतर्फ प्रस्थान गर्नु भएकोले उहाँको अनुपस्थितिमा राष्ट्रपतिबाट सम्पादन हुने कार्य नेपालको संविधानको धारा ६७ को उपधारा (२) बमोजिम सम्माननीय उपराष्ट्रपतिबाट सम्पादन गरिनेगरी तोक्नु भएकोछ । (हरि प्रसाद दाहाल) प्रवक्ता
आज मिति २०७6 साल असोज 28 गते मंगलबारका दिन राष्ट्रपतिको कार्यालय शीतलनिवासमा आयोजित एक समारोहकाबीच सम्माननीय राष्ट्रपति श्रीमती विद्यादेवी भण्डारीज्यूसमक्ष स्पेनका लागि नेपालको आवासीय राजदूत पदमा नियुक्त हुनुभएका श्री दावा फुटी शेर्पा र अष्ट्रेलियाका लागि नेपालको आवासीय राजदूत पदमा नियुक्त हुनु भएका श्री महेशराज दाहालले राजदूत पदको, पद तथा गोपनीयताको शपथग्रहण गर्नुभएको छ । उक्त अवसरमा माननीय परराष्ट्रमन्त्री श्री प्रदीपकुमार ज्ञवालीज्यू लगायत नेपाल सरकारका उच्च पदस्थ अधिकारीहरुको समेत उपस्थिति रहेको थियो । (हरि प्रसाद दाहाल) प्रवक्ता
आज मिति २०७६ साल असोज 28 गते मंगलबारका दिन सम्माननीय राष्ट्रपति श्रीमती विद्यादेवी भण्डारीज्यूले नेपालको संविधानको धारा २८२ बमोजिम मन्त्रिपरिषद्को सिफारिसमा श्री महेशराज दाहाललाई अष्ट्रेलियाका लागि नेपालको आवासीय राजदूत पदमा नियुक्त गर्नुभएको छ । (हरि प्रसाद दाहाल) प्रवक्ता
